За да биде ЕУ пообединета, ќе биде потребно „водечките земји“ од Западен Балкан, кандидатки за пристап во ЕУ, да имаат надежна перспектива. Ова е наведено во документите, кои денеска беа презентирани од Европската комисија, а се однесуваат на намерата на институцијата за периодот по 2025 година, јави БТА.
Комисијата, исто така, предлага за овој иден период, и ЕУ за да биде подемократска, да се одреди постојан и одговорен европски министер за економија и финансии. ЕК ќе предложи да биде зголемена ефективноста на раководството на ЕУ – веројатно со назначување единствен претседател на Комисијата и на Европскиот совет.
Комисијата планира догодина да даде предлози за поголема ефикасност и доследност во спроведувањето на заедничката надворешна политика на ЕУ, како и за иднината на политиката во областа на енергетиката и заштитата на природата.
ЕК следната година ќе предложи, на Европското јавно обвинителство да му се дадат дополнителни овластувања, за да може да се вклучи во борбата против тероризмот.