Европската унија го поздрави договорот за прекин на огнот во Источна Украина, нагласувајќи дека сите страни мораат да го почитуваат и применуваат.
– Го поздравуваме договорот за прекин на огнот постигнат во Минск на состанокот на Контакт групата. Договорот мора да го почитуваат сите страни и во целост да го применуваат, се наведува во соопштението на ЕУ.
ЕУ изрази надеж дека тоа ќе биде прв чекор кон одржливо политичко решение, базирано на почитување на суверениетотт и територијалниот интегритет на Украина, пренесува ИТАР-ТАСС.
Протоколот за прекин на огнот во Источна Украина потпишан во Минск стапи во сила вчера во 18 часот по локално време, а Киев и проруските сили соопштија дека ги прекинуваат акциите.