ЕУ предложи да се организира меѓународна средба за Мали, што би се одржала на 5 февруари во Брисел, а на која би учествувале Африканската унија, Економската заедница на државите од западна Африка и ОН, пренесоа светските агенции.
При соопштувањето на веста портпаролот на шефицата на европската дипломатија Кетрин Ештон, Мајкл Ман, додаде дека шефот на мисијата на ЕУ за обука на малиската армија францускиот генерал Франсоа Локоентер ќе пристигне во Мали во понеделник, заедно со експертите за подготвување на работата на мисијата.
Целта е оваа мисија да почне да работи најдоцна до средината на февруари. Таа ќе се состои од 450 лица. Десетина земји веќе изразија подготвеност да придонесат во неа со персонал и опрема.