Европската унија дополнително додели уште 10 милиони евра хуманитарна помош за сириските бегалци во Турција, се наведува во соопштението на Европската комисија, објавено денеска во Брисел, пренесе ТАСС.
– Зголемувајќи ја нашата помош за сирискиот народ и турските региони кои примија сириски бегалци, Европа застана до Турција и има намера да направи се што е можно за да помогне во постигнувањето политичко решение на оваа хуманитарна криза, изјави високиот претставник на ЕУ за надворешна политика и безбедност Федерика Могерини, која денеска престојуваше во кампот за бегалци во турскиот град Килис, што се граничи со Сирија.
Поради кризите во Сирија и Ирак, во соседна Турција веќе се префрлија 1,6 милиона бегалци. Од почетокот на сирискиот конфликт Европската комисија додели над 187 милиони евра помош за сириските бегалци во Турција.