ЕУ со години ги прекршува меѓународните закони за бегалци, имигранти кои се фатени на територија на Унијата ги депортира во Украина во специјални затвори, каде ги малтретираат и по една година. За работата на тие логори Брисел издвојува десетици милиони евра, покажа истражувањето на весниците „Репорт Мајнц“ и „ Шпигл“.
Стотици бегалци годишно, најчесто од Авганистан и Сомалија се обидуваат преку Украина да дојдат до територии на ЕУ, меѓутоа кога ќе бидат фатени ги враќаат назад во Украина и тоа во затвори за илегални имигранти.
Еден Сомалиец кој во втор обид дошол до Германија, за „Шпигл“ раскажал дека условите во логорите се застрашувачки.
-Три години бев во затворите во Украина. Ја изгубив надежта. Таму не тепапаше кој ќе стигнеше и каде ќе стигнеше, беше страшно -вели тој.
Дека условите се застрашувачки покажува тоа што во 2012 година имаше голем штрајк со глад, кој набргу заврши. Наспроти тоа ЕУ е еден од најголемите донатори на тие логори, а моментално се подготвува отворање на уште еден во местото Мартинивске.
-Ваквото однесување претставува кршење на меѓународното право-изјави за „Репорт Мајнц“, Илија Тодоровиќ од украинската канцеларија на УНХЦР.
Европската комисија соопшти дека нема информации за масовно депортирање на бегалци во Украина, а дека парите за центрите ги дава со цел условите во нив да бидат на исто рамниште како и условите во европските држави.
Е. Г.