Баскиската сепаратистичка организација ЕТА и предала на полицијата листа со 12 скривалишта со оружје во југозападна Франција, јавија западните медиуми, повикувајќи се на информации на извори блиски до процесот на разоружување на организацијата.
Листата била предадена на француската полиција преку посредници во мировниот процес, кои се претставници на француското цивилно општество.
Дванаесетте скривалишта со оружје и експлозиви биле последнниот преостанат дел од арсеналот на ЕТА.
Оваа организација пред два дена најави целосно разоружување.
Во 2011 година ЕТА стави крај на четири децении вооружена борба.