Високиот претставник на Европската унија за надворешна политика и безбедност, Кетрин Ештон е исклучително вознемирена поради влошувањето на безбедносната состојба во Украина, соопшти денеска нејзиниот кабинет.
Во соопштението се наведува дека тоа особено се однесува на вчерашниот атентат на градоначалникот на Харков, Генадиј Кернес и на заробувањето на набљудувачите на Организацијата за безбедност и соработка во Европа (ОБСЕ), во Славјанск.
– Загрижена сум и поради континуираните напади на новинарите и ограничувањето на слободата на медиумите, што вклучува и противзаконско пеземање на телевизиски предаватели, нагласи Ештон.
Таа оцени дека овие настани, како и зачестените случаи на киднапирање и убиства, претставува кршење на спогодбата која САД, ЕУ, Русија и Украина ја постигнаа во Женева на 17 април.