Високиот претставник на ЕУ за надворешна политика и безбедност Кетрин Ештон ја осуди денеска изградбата на нови еврејски населби на окупираните територии и предупреди дека со тоа сериозно се загрозува мировниот процес.
Исклучително сум загрижена поради извештаите за плановите за изградба на околу 3.000 станбени единици на Западниот Брег, вклучувајќи го источен Ерусалим, пишува во соопштението од кабинетот на Ештон.
Високиот претставник на ЕУ предупреди дека изградбата на населби во таков обем претставува „стратешки чекор кој ги поткопува изгледите за одржлива Палестина со Ерусалим како заедничка престолнина на двете држави“.