Филипинскиот вулканот Булусан денеска исфрли голем облак пепел поради што се евакуирани жителите од околните градови, а постои опасност и од нова ерупција.
Според филипинскиот Институт за вулканологија и сеизмологија, ерупцијата на вулканот Булусан, лоциран во провинцијата Сорсогон, во источниот дел на Филипини, траеше околу 17 минути, а пепелот беше исфрлен најмалку еден километар во висина.
Со пепел покриени се два града во провинцијата Сорсогон, што се наоѓа околу 500 километри јужно од Манила.
Вулканот Булусан е активен изминатите години, а десетина слични ерупции беа забележани помеѓу 2016 и 2017 година.
Филипини се наоѓаат на така наречениот сеизмички огнен појас на Пацификот, со повеќе од 20 активни вулкани.
Извор: МИА