Ердоган се откажа од протерување на десет западни амбасадори

Од:

Западните амбасадори во Турција се „повлекоа“ и ќе бидат „повнимателни во иднина“, изјави денеска турскиот претседател Реџеп Тајип Ердоган, по што соопшти дека се откажува од протерувањето на 10 дипломати на кои им се закануваше поради нивната поддршка за затворениот филантроп Осман Кавала.

– Нашата намера не беше да предизвикаме криза, туку да ги заштитиме суверените права на Турција, рече Ердоган.

Десет амбасадори од САД, Канада, Франција, Финска, Данска, Германија, Холандија, Нов Зеланд, Норвешка и Шведска во заедничка изјава на 18 октомври повикаа на „брзо и правично решение на случајот“ Осман Кавала, кој е во затвор од 2017 година..

Ердоган ова го протолкува како „напад“ и „навреда“ за турското правосудство, пренесува Бета.

– Моја задача, како шеф на државата, беше да го дадам потребниот одговор, додаде турскиот претседател, истакнувајќи дека турските судови не примаат наредби од никого.

– Нивното ново соопштениеа покажува дека се повлекоа, рече Ердоган откако 10 земји во изјавите потврдија дека дејствуваат „во согласност со член 41 од Виенската конвенција“, кој ги регулира дипломатските односи и забранува какво било мешање во внатрешните работи на земјата домаќин.

Ердоган во саботата соопшти дека наредил што поскоро протерување на тие 10 дипломати, иако таа објава не била придружена со официјално известување испратено до дадените земји.

Би можело да ве интересира

Ердоган: Мора да се спроведат сите фази од договорот Израел-Хамас

Горан Наумовски

Ердоган: Турците, Курдите, Арапите и Персијците нема да наседнат на игрите на империјалистите „раздели па владеј“

Предраг Петровиќ

Ердоган: Сириските Курди или ќе го положат оружјето или ќе бидат погребани со нив

Единаесет лица загинаа, а седум се повредени во експлозија во фабрика за експлозиви во Турција

Турција: Целта е да се постигне договор за поморските граници со Сирија

ВИДЕО: Снимка од ударот на хеликоптерот во болница во Турција