Ердоган: Држат лекции за човекови права, но молчат за грозоморните убиства во Газа

Од:

Турскиот претседател Реџеп Таип Ердоган рече дека Анкара спроведува повеќеслојни дипломатски напори „за повторно воспоставување на прекин на огнот и запирање на масакрите во Газа“.

„Никој од оние кои му даваат на светот лекции за човековите права и слободи сè уште не реагирал на грозоморното убиство на бебиња во лулки во Газа“, рече Ердоган во саботата во Истанбул.

Повеќе од 700 Палестинци се убиени и над 1.000 ранети во ненадејната воздушна кампања на Израел во Газа од вторникот, кршејќи го договорот за прекин на огнот и размена на затвореници што стапи на сила во јануари, објави ТРТ.

Од октомври 2023 година, во израелската воена офанзива на Газа загинаа речиси 50.000 Палестинци, главно жени и деца, додека повеќе од 112.000 се повредени, според турската телевизија.

Би можело да ве интересира

Германската полиција уапси Хрват поради дрон над аеродромот

Израелците го послушаа Трамп: Армијата доби наредба за Газа, нападите се запрени

Русите ја погодија полската амбасада во Киев

(ВИДЕО) Голема закана: Повторно дронови над воените бази во Данска

Кошмарно утро во Киев: Русија изврши еден од најголемите напади врз главниот град на Украина

По 10 години, ОН повторно воведе сеопфатни санкции врз Иран