Да се поддржи мир е потешко, отколку да се води војна, но ние претпочитаме тешкотии, изјави турскиот премиер Реџеп Таип Ердоган на конференција на која учествуваа и турски пратеници, соопшти денеска турскиот весник „Радикал“.
Ние сме плаќале, плаќаме и ќе плаќаме за цената на мирот, посочи синоќа Ердоган во врска со напрегнатоста меѓу Турција и Сирија.
Турскиот премиер подвлече дека Анкара нема да дозволи нејзината територија да биде доведена во опасност и додаде дека Турција „во секој момент е подготовена за војна“.
До последно, меѓутоа, ќе се бориме за пачитување на мирот, подвлече Ердоган.