Властите во американската држава Индијана соопштија дека повеќе од 100 луѓе меѓу интравенозните корисници на дрога се инфицирани со вирусот ХИВ.
До четвртокот биле регистрирани 95 потврдени случаи на зараза со тој вирус и 11 други покажале прелиминарни позитивни резултати на тест. Сите инфицирани се интравенозни наркомани кои делат игли.
Подрачјето Скот северно од Луисвил во Кентаки е жариштето на заразата во Индијана.
Гувернерот Мајк Пенс на 26 март воведе итни здравствени мерки за ограничување на поделбата на игли меѓу наркомани за да се спречи ширење на инфекцијата.