Европскиот парламент денеска усвои резолуција со која се повикуваат руските власти безусловно да ги ослободат сите незаконски и произволно притворени украински граѓани, соопшти прес-службата.
Тоа ги вклучува и кримските татари, приведените мирни демонстранти на Црвениот плоштад на 10 јули оваа година, украинските граѓани приведени врз основа на политички обвиненија, како и 24-та членови на екипажот на украинските воени бродови, приведени крај Керченскиот теснец на 25 ноември минатата година.
ЕП повика руските власти веднаш да ги прекинат сите дејства на малтретирање над сите бранители на животната средина, вклучувајќи ја и Александра Каролева, како и над борците за човекови права во земјата, и да им дозволат да ја вршат својата легитимна работа без мешање.
– Европскиот парламент ги повикува руските власти да го повлечат т.н. закон за „странски агенти“ и целосно да ги имплементираат сите препораки на Венецијанската комисија при Советот на Европа во согласност со своите меѓународни обврски. Текстот беше усвоен со 458 гласови за, 80 против и 89 воздржани, истакнува прес-службата на ЕП.