Италијанскиот претседател Џорџо Наполитано го назначи денеска заменик-претседателот на левоценстристичката Демократска партија Енрико Лета за мандатар за составување на нова влада на Италија.
Наполитано се одлучил за 46-годишниот политичар, поранешен државен секретар на Министерскиот совет, по консултациите со политичките партии и парламентарните фракции за надминување на кризната ситуација по изборите на 24 и 25 февруари.
Лета е внук на долгогодишниот шеф на кабинетот на поранешниот италијански премиер Силвио Берлускони, Џани Лета.
Заменик-претседател на Демократската партија, која го освои првото место на предвремените избори, кои не дадоа убедлив победник, се смета за умерен политичар, прифатлив и за конзервативците.