Експлозија се случи денеска во словачкиот Институт за воено-техничко тестирање „Захорје“ во регионот на Братислава, при што се повредени најмалку две лица, изјави портпаролката на Службата за итни случаи, Данка Чапакова.
Според Таср, експлозијата се случила околу осум часот наутро. Од клиниката Капамедичина соопштија дека двајца мажи со возило на Брза помош се пренесени за хоспитализација.
– Испративме амбулантни возила и хеликоптер. Повеќе информации може да се добијат само откако ќе заврши спасувачката операција, велат од клиниката.
Полицијата соопшти дека ќе објави повеќе детали што е можно поскоро. На лице место е и противпожарната единица.