Два супермаркета во Холандија, кои се сопственост на полскиот синџир „Биедронка“, се тешко оштетени во експлозии кои утрово одекнаа во градовите Алсмер и Хесвијк Динтер.
Во инцидентите нема повредени лица, а станарите кои живееле во зградите над продавниците се евакуирани и времено засолнети.
Истрагата е во тек, а полицијата засега не соопштува дали експлозиите во двата супермаркета се поврзани.
Градоначалникот на Алсмер, Гидо Ауде Коте изрази сомнеж дека станува збор за „терористичко дело“.
– Ова не се случува кај нас. Чудо е како никој не е повреден, истакна Коте, додавајќи дека треба да се почекаат резултатите од истрагата, но и дека не би бил изненаден доколку двата случаја се поврзани.
Двата супермаркета, кои го носат името на полскиот синџир „Биедронка“, се во сопственост на лица со курдско потекло.