Европската комисија денеска соопшти дека нема да ја коментира одлуката на Вишиот суд во Лондон, кој реши дека одлуката за почеток на процесот за истапување на Велика Британија од ЕУ треба да ја донесе британскиот Парламент, а не Владата на премиерката Тереза Меј.
– Европската комисија не сака да шпекулира околу ова прашање затоа што постојат одредени работи што се уште може да се случат во Велика Британија и дали Владата ќе се жали или не на ваквата одлука. Не е наше да коментираме, изјави во Брисел портпаролот на Еврокомисијата, Маргаритис Схинас.
Извори во Брисел денеска соопштија претседателот на Европската комисија, Жан-Клод Јункер утре телефонски ќе разговара со британсакта премиерка Меј околу нејзиното барање Владата во Лондон да решава за излегувањето на Велика Британија од Европската унија.
Схинас додаде дека Јункер за ова прашење телефонски ќе разговара со Меј.
Британската Влада веќе најави жалба на одлуката на Вишиот суд Лондон.