Европската комисија не располага со конкретни закани од терористички активности насочени против неа, изјави денеска портпаролот на Комисијата, Џонатан Тод.
– Во постојан контакт сме со надлежните власти. По последните медиумски информации се поврзавме со белгиските служби заради разјаснување на нештата. Те потврдија дека не знаат за специфични закани кон ЕК, истакна тој.
Тод нагласи дека сепак се воведени мерки за безбедност, ситуацијата постојано се следи и се преземаат дополнителни мерки, кога тоа е потребно.
– Засега не можеме да кажеме ништо повеќе, сите прашања на таа тема треба да се упатат кон белгиските власти, посочи Тод.