Европската комисија денеска објави дека го одобрила планот за обнова на Полска од пандемијата, со што се отвора пат за помош од 35,4 милијарди евра, блокирана една година поради недостигот на независност на судството во таа земја.
„Денеска Европската комисија даде позитивна оценка за полскиот план за реконструкција, што е важна фаза за ЕУ да исплати 23,9 милијарди евра субвенции и 11,5 милијарди евра заеми“, се вели во соопштението.
Поради контроверзната реформа на судството во 2016 година, која, според ЕУ, ја загрози независноста на судовите, средствата на Унијата беа блокирани поради системски ризици за владеењето на правото.
Двајца комесари се спротивставија на одобрувањето на состанокот на Европската комисија, јавија бриселски медиуми.
Извор: МИА