Египетскиот претседател Абдел Фатах ал Сиси денеска изврши реконструкција на Владата, со смена на девет министри и воспоставување Министерство за бизнис. Функциите ги задржааи министрите за одбрана, внатрешни и надворешни работи, пренесува БТА.
Од промените најмногу се засегнати египетските Министерства за инвестиции, финансии, туризам, воздухопловстовто и водни ресурси.
Новите министри дадоа заклетва пред претседателот во дворецот „Ал Итихадија“ во предградието Хелиополис.
Промените се извршени во време на тешка криза во туристички сектор на економијата, кој е од животно значење, и по минатонеделната девалвација на националната валута на земјата – лирата.
Египет вложува напори во бормата против исламстичките бунтовници, кои преземаат акции и вршат атентати, што пак ги одбива туристите.
Ова е првата реорганизација на Владата по онаа во септември минатата година, кога Сиси го назначи за премиер Шериф Исмаил.