Египетската ќелија на групата Исламска држава на својот профил на Твитер ја презеде одговорноста за убиството на осуммината полицајци во Каиро, пренесоа француските медиуми.
Полицајците беа убиени изминатата ноќ додека со комбе патувале во предградие на Каиро.
Египетската ќелија на ИД веќе ја има преземено одговорноста за повеќе напади и атентати изведени во Египет, главно на Полуостровот Синај. Во овие напади во последните три години загинаа стотици војници и полицајци.
Пред да се заколне на верност кон ИД, во текот на 2014 година, египетската ќелија на организацијата беше позната под друго име.