Египетската армија соопшти денеска дека за пет дена убила 241 исламист на Синајскиот Полуостров, меѓу кои џихадисти од организацијата Исламска држава.
Меѓу 1 и 5 јули биле убиени 241 исламисти, уапсени се четири лица по кои се трагало и уште 29 осомничени, објави на Фејсбук портпаролот на египетската армија.
Египетските војници, распоредени во Синај, се борат со исламистичкиот бунт, кој избувна по соборувањето од власт во јули 2013 година на претседателот Мохамед Морси.
На 1 јули борците од локалниот огранок на ИД извршија серија напади врз армијата во населеното место Шеик Звејд. Според портпаролот на армијата загинале 21 војник.