Египетската армија денеска соопшти дека ликвидирала еден од религиозните лидери на огранокот на Исламска држава при воздушен напад на Синајскиот Полуостров.
– Вкупно 19 џихадисти загинаа во неколкуте воздушни напади, меѓу кои и началникот на Комитетот за религиозни прашања на групата Ансар Бејт ал Макдис, се наведува во соопштението на египетската армија.
Ансар Бејт ал Макдис извршила повеќе напади врз египетските безбедносни сили во северниот дел на Синај, а од 2014 година групата се заколна на верност на ИД и се преименува во Провинција Синај.
На девети април во два самоубиствени напади на ИД врз две коптски цркви во Александрија и во Танта загинаа 45 луѓе.