Египетските сили започнаа голема воено-полициска операција на полуостровот Синај, каде се најактивни исламските екстремисти.
Портпаролот на армијата, полковникот Тамер ел Рифаи, рече дека во операцијата која започнала денес учествуваат воени и полициски сили, а истата се одвива во централен Синај, египетската делта на реката Нил и Западна пустина долж границата со Либија. Ел Рифаи објасни дека цел на операцијата се „криминални елементи и организации“.
Екстремистичките напади драстично се зголемија во Египет од 2013-та година, кога претседателот Мухамед Морси, исламист, беше расрешен од функцијата по масовните протести против неговото владеење кое траеше една година.
Насилството беше концентрирано во северниот дел на Синај, но се прошири и во други делови на Египет, кои со години се бореа да го потиснат бунтот.