Египетскиот претседател Абдел Фатах ал Сиси денеска првпат призна дека рускиот авион, кој минатата година се урна на Синајскиот Полуосторов, бил соборен од терористи.
Во авионската несреќа од 31 октомври загинаа сите 224 патници и членови на екипажот.
– Ставен ли е крај на тероризмот? Не, не е, но ќе биде ако се обединиме. Каква цел имал тој што го соборил рускиот авион? Имал за цел да наштети на египетскиот туристички секотор и да ги влоши односите со Москва, истакна Сиси.
Тоа е прво официјално признание од страна на Египет дека авионот бил соборен од терористи. Русија уште во ноември авионската несреќа ја оцени како терористички акт.
Египетскиот огранок на Исламска држава тогаш ја презеде одговорноста за падот на авионот, тврдејќи дека успеала да постави мала бомба во внатрешноста на леталото. Досега Каиро тврдеше дека не се познати причините за нападот. Египетската истрага не исклучуваше ниту една верзија на несреќата, вклучително и техничка неисправност на авионот.