Седумдесет и шестгодишна жена е убиена, а осум лица се ранети во руски напад врз украинскиот град Павлоград, изјави денес регионалниот гувернер Сергеј Лисак.
– Агресорот повторно изврши масовен напад врз регионот со беспилотни летала, напиша на Телеграм Сергеј Лисак, гувернер на централниот Дњепропетровски регион, пренесува Укринформ.
Според него, „едно лице почина во Павлоград, 76-годишна жена“, а уште осум лица се повредени, од кои едно е во тешка состојба.