Казахстан, еден од најблиските сојузници на Русија, го отфрли барањето неговите војници да се приклучат на офанзивата во Украина, соопштија казахстанските власти.
Покрај тоа, поранешната советска република соопшти дека не ја признава независноста на сепаратистичките републики Доњецк и Луганск, кои беа признати од Владимир Путин пред неколку дена.
Западните медиуми пишуваат дека ова е „изненадувачки потег на традиционалниот сојузник на Русија“ и дека потегот бил поддржан од САД.
„Ја поздравуваме најавата на Казахстан дека нема да ги признае ЛПР и ДПР“, се вели во соопштението на Советот за национална безбедност.
„Го поздравуваме и одбивањето на Казахстан да испрати свои сили да се приклучат на војната на Путин во Украина“.