Нигерија ги засили мерките на гранична контрола по потврдата дека еден Либериец починал од ебола во градот Лагос, што е прв случај на таа болест во Нигерија.
Заболениот Либериец кој паднал по доаѓањето во Лагос во неделата, бил пренесен во аеродромската болница каде бил ставен во карантин, но починал во вторникот. Идентификуван е како 40-годишен државен службеник од Либерија.
Нигерија денеска прогласи состојба на највисока готовност откако е потврдено дека Либериецот кој починал во таа земја имал ебола.
Од февруари повеќе од 660 луѓе починале од ебола во западна Африка, каде изби досега најтешка епидемија на таа болест на светот.