Поранешниот британски премиер Борис Џонсон го нарече убиството на Чарли Кирк „трагедија“ и „знак на апсолутен очај и кукавичлук на оние кои не можеа да го победат во дебата“.
„Убиството на Чарли Кирк е трагедија и знак на апсолутен очај и кукавичлук на оние кои не можеа да го победат во дебата. Чарли Кирк не беше убиен затоа што застапуваше екстремистички ставови – затоа што не ги застапуваше. Тој беше убиен затоа што кажа работи што некогаш беа здрав разум. Тој беше убиен затоа што имаше храброст јавно да се залага за разумните мислења на милиони и милиони обични луѓе и во САД и во Велика Британија. Светот има нов маченик за слободата на говорот. Нашите мисли и молитви се со неговото семејство и најблиските“, напиша Џонсон на X.
Чарли Кирк (31) беше еден од најголемите конзервативни влијателни личности во САД, верен поддржувач на Трамп со огромна публика што ја стекна преку неговата организација Turning Point, која се стреми да шири конзервативни идеи меѓу студентите на американските универзитети.