Американскиот државен секретар Џон Кери денеска во Њујрок организираше средба, чија цел е да им се даде „нов дипломатски импулс“ на напорите за решавање на кризата во Сирија, соопшти портпаролот на Стејт департментот, Џон Кирби.
Како што јави Би-Би-Си, на средбата, покрај домаќинот Кери, присуствувале и шефовите на дипломатиите на Велика Британија, Германија, Јордан, Саудиска Арабија, Турција и Франција.
Според Кери, на разговорите, кои се очекува да продолжат и во следните неколку дена, станало збор за идеите за иницирање „нов дилпоматски импулс кој би овозможил ставање крај на конфликтот во Сирија и создавање мирна иднина“ за Сирија без сирискиот претседател Башар ел Асад.