Припадници на Исламска држава во Ирак се маскираат како жени и на тој начин се обидуваат да дезертираат, соопштуваат ирачките власти, пишува „Дејли меил“.
На социјалните мрежи кружат фотографии на кои се гледаат мажи облечени во женска облека со шминка на лицата, кои наводно се фатени додека се обидувале да побегнат од северен Ирак и како ирачката полиција им ги отстранува бурките зад кои се криеле.
Според радикалното толкување на шериетскиот закон, на жените им е забрането да војуваат, а џихадистите стравуваат да бидат убиени од жени, бидејќи според нивната интерпретација на исламот нема да добијат 72 девици.
Е.Г.