Едно лице загина, а седум се повредени денеска во два одвоени верижни судири во Москва во кои учествувале повеќе од 50 возила.
Првиот верижен судир се случи на автопатот М-4 кај Ступина. Во него учествувале 29 возила, а едно лице загинало, а три се повредени, пренесува РИА.
Уште една голема сообраќајна несреќа се случи на автопатот М-8 во областа Пушкино, во која се судрија 22 автомобили, при што четири лица се повредени.
Во Москва последните денови се влоши времето поради циклонот Олга, а денеска обилни снежни врнежи беа забележани во руската престолнина.