Бројот на жртви во рускиот напад врз пристанишната инфраструктура на Одеса се искачи на две, објави началникот на Воената администрација на округот Одеса, Олег Кипер.
Кипер во објава на Телеграм соопшти дека од повредите починал и 71-годишен маж од Одеса, откако претходно беше објавено дека пристанишен работник во тој град бил убиен во директен напад со балистичка ракета, објави Укринформ.
Руската војска испали две балистички ракети кон пристанишната инфраструктура на Одеса, при што беа ранети седум лица, од кои тројца се во тешка состојба.