Во руски воздушен напад врз градот Добропил, во регионот Донецк, загинаа две лица, а 28 се повредени, соопшти денес Националната полиција на Украина.
– Истражни и оперативни тимови, експерти за деактивирање бомби, полициски болничари, вработени во Државната служба за вонредни состојби и Службата за безбедност на Украина работат на местото на нападот, се вели во соопштението објавено на Телеграм, пренесува Укринформ.
Шефот на Главната дирекција на Националната полиција во регионот Донецк, Руслан Осипенко, изјави дека „полицијата евидентирала штета на 75 цивилни објекти: 13 станбени згради, 54 малопродажни објекти и осум возила“.