Двајца полицајци денеска се повредени во престрелката близу канцеларијата на италијанската влада, во моментот кога премиерот и членовите на кабинетот положуваа заклетва во претседателската палата, јави италијанската телевизија РАИ.
Едниот полицаец е повреден во пределот на вратот и е во тешка здравствена сотојба, а приведено е лицето кое ја започнало престрелката. Засега не е познато дали инцидентот е поврзан со изборот на новата влада.
Во исто време, на само еден километар, умерениот левичар Енрико Лети официјално положи заклетва како иден претседател на коалициската влада на церемонија во претседателската палата.
Лета синоќа соопшти дека Анџелино Алфано, генерален секретар на партијата на Берлускони „Народ на слободата“ ќе биде вицепремиер и министер за внатрешни работи во новиот кабинет.
Генералниот директор на Банката на Италија Фабрицио Сакомани ќе го предводи влијателното Министерство за економија и финансии. Поранешниот еврокомесар Ема Бонино ќе биде министер за надворешни работи.
Владата ќе положи свечена заклетва утре во 9.30 часот според Гринич. Се очекува в понеделник Лета да побара гласање за доверба од Парламентот.