Поради наводно ширење на говор на омраза денеска беа уапсени двајца лидери на британската десничарска група „Велика Британија на прво место“.
Пол Голдин и неговата заменичка Џајда Франсен биле задржани во притвор во Белфаст, под обвинение дека шират говор на омраза за време на собирот „Северна Ирска против тероризмот“, што се одржа во Белфаст во август. Франсен освен за тоа се терети и за објави на социјалните мрежи.
Минатиот месец, американскиот претседател Дондл Трамп сподели три видеа кои што Франсен ги имаше објавено на Твитер, на кои беше прикажано насилство, наводно извршено од муслимани.
Премиерката на Велика Британија, Тереза Меј искоментира дека со преобјавувањето на видеата, Трамп направи погрешна работа.