Претседателот на Филипините, Родриго Дуерте денеска изјави дека САД мора да платат ако сакаат да ги задржат своите војници што се наоѓаат во оваа азиска земја веќе две децении.
Претседателот, кој многумина го опишуваат како „страстен националист“, отворено се спротивстави на долгорочен сојуз со САД и еднострано го раскина воениот договор со Америка пред една година, откако Вашингтон одби да му издаде виза.
Дуерте во 2020 година, ја прекина билатералната соработка за размена на војници со САД.
Тој денеска им се обрати на филипинските војници.
– Би сакал да истакнам дека ако овде има американски агент, отсега ќе мора да плати. Да, ние ја делиме одговорноста, но тоа споделување на одговорноста не доаѓа бесплатно, на крајот на краиштата, кога ќе почне војна, сите плаќаме, рече Дуерте.
Со ова тој алудираше на интензивирање на воените активности на Вашингтон и Пекинг во Јужното Кинеско Море.
Американската амбасада во Манила сè уште не ги коментираше неговите изјави.