Сите европски лидери се согласија дека треба да се најде начин за користење на замрзнатите средства на Русија и дека е постигнат напредок во тој поглед, изјави денес во Брисел полскиот премиер Доналд Туск.
„Разгледуваме како можеме да добиеме репарациски кредити врз основа на руски средства. Ќе најдеме начин Белгија да се чувствува безбедно во сето ова“, рече Туск на самитот на европските лидери во Брисел, пренесува Ројтерс.
Тој најави дека утре ќе се сретне со украинскиот претседател Володимир Зеленски во Варшава.
„Полската независност ќе биде загрозена ако Украина биде принудена во ситуација на предавање“, рече Туск.