Милијардерот Доналд Трамп, кој е кандидат за партиската номинација на републиканците за претседателските избори во САД во 2016 година, го обвини Барак Обама дека неговата поддршка за Украина е млака и дека не е почитуван од рускиот колега Владимир Путин.
– Нашиот претседател не е силен и не прави се што треба за Украина, изјави Трамп во видеопораката емитувана на меѓународна конференција во Киев.
– Тоа е поддршка со половина уста и ништо повеќе, додаде тој пред стотици странски инвеститори и дипломати.
Трамп освен тоа изрази жалење што САД не делуваат доволно цврсто кон Владимир Путин.
– Дел од проблемот меѓу Украина и САД доаѓа од тоа што Владимир Путин воопшто не го почитува нашиот претседател, изјави Трамп.