Врховниот суд на САД ѝ даде зелено светло на администрацијата на Трамп да отпушта работници во владини агенции, објавува Axios.
Одлуката на мнозинството, со која се поништува претходната наредба на федералниот судија за замрзнување на отпуштањата, ѝ дава на администрацијата овластување да продолжи со својата цел за реструктуирање и намалување на владините агенции. Тоа би можело да доведе до губење на работните места од десетици илјади луѓе во владини агенции како што се Стејт департментот и Министерството за финансии.
Судиите во непотпишано мислење наведоа дека не одлучуваат за легалноста на специфичните планови за отпуштања во федералната администрација, но дека „владата веројатно има шанса да успее во своето тврдење дека Извршната наредба и Меморандумот се легални“.