Основниот суд во Париз утре ќе се изјасни по барањето на поранешниот директор на Меѓународниот монетарен фонд (ММФ), Доминик Строс-Кан за заплена на книгата на неговата поранешна љубовници Марцела Јакуб, „Убавицата и Ѕверот“.
Како што јави дописникот на МИА од Париз, Строс-Кан ја тужи Јакуб за „повреда на интимноста“ поради објавувањето на детеали од нивната неколкумесечна љубовна врска. Во книгата, чии извадоци обелодени неделникот „Нувел Обсерватор“, Стос-Кан е опишан како „половина човек, половина свиња“.
Строс-Кан исто така бара Сѕдот да одреди „Нувел Обсерватор“ да ја објави пресудата на својата насловна страница, доколку таа биде во негова полза.
Излегувањето на книгата во продажба е предвидено за 27 февруари.