Локалните власти во источниот авганистански град Џалалабад потврдија дека една лекарка е убиена во денешната експлозија на бомба поставена на пат, само неколку дена откако тројца новинари беа убиени во истиот град.
Портпаролот на гувернерот на провинцијата Нангархар изјави дека докторката, чие име не се открива, патувала на работа во родилиште, кога била убиена во експлозија на бомба поставена покрај пат, едно дете е повредено, и засега никој не презеде одговорност за нападот.
Авганистанската Влада и некои странски сили ги обвинуваат талибанските бунтовници за многу вакви напади и тврдат на овој начин оваа милитантна група предизвикува страв со избегнување големи жртви меѓу цивилите, но талибанците негираат дека се вмешани.