Украинскиот претседател Володимир Зеленски во понеделник изјави дека наскоро ќе се сретне со американскиот претседател Доналд Трамп како дел од напорите за ставање крај на руската инвазија. „Се договоривме за состанок на највисоко ниво со претседателот Трамп во блиска иднина. Многу работи може да се одлучат пред Нова Година“, објави Зеленски на социјалните мрежи.
Rustem Umerov reported on his latest contacts with the American side. We are not losing a single day. We have agreed on a meeting at the highest level – with President Trump in the near future. A lot can be decided before the New Year. Glory to Ukraine!
— Volodymyr Zelenskyy / Володимир Зеленський (@ZelenskyyUa) December 26, 2025
Украинскиот претседател ја откри најновата верзија на американскиот план за ставање крај на војната меѓу Русија и Украина, за кој преговараат Вашингтон и Киев со недели. Планот предвидува замрзнување на фронтовските линии и не нуди решение за најспорното прашање за териториите окупирани од Русија, кои сочинуваат повеќе од 19% од Украина.
За разлика од оригиналната верзија на документот што го составија Американците, новата верзија изоставува две од главните барања на Москва: повлекување на украинските сили од делови од Донбас кои сè уште се под нивна контрола и законско ветување од страна на Киев дека нема да се приклучи на НАТО. Затоа, Москва веројатно нема да се согласи со оваа нова верзија.
Запрашан за тоа, портпаролот на Кремљ, Дмитриј Песков, завчера посочи дека Москва „ја формулира својата позиција“ и одби да коментира за деталите. Вчера, портпаролката на руското Министерство за надворешни работи, Марија Захарова, изјави дека напредокот кон завршување на војната е „бавен, но стабилен“.