Портпаролот на Кремљ, Дмитриј Песков, изјави дека конфликтот во Украина би можел да заврши „во секој момент“ доколку украинскиот претседател Володимир Зеленски донесе, како што ја нарече, „неопходна одлука“.
Песков рече дека хуманитарното примирје е завршено и дека руската „специјална воена операција“ продолжува, но оцени дека сегашниот тек на мировниот процес укажува дека се приближува можно решение за конфликтот, објави Спутник.
„Досегашните резултати и постигнатиот напредок во мировниот процес укажуваат дека решението за конфликтот навистина се приближува, но во овој момент сè уште не е можно да се зборува за конкретни детали“, рече Песков.