Кирил Дмитриев, директор на Рускиот фонд за директни инвестиции и специјален претставник на рускиот претседател за инвестиции и надворешна економска соработка, денес изјави дека новите американски царини за европски автомобили и камиони во услови на енергетска криза значително ќе влијаат на индустрискиот сектор на ЕУ.
– Царината од 25 проценти за автомобили и камиони од ЕУ, во комбинација со енергетската криза, задава смртоносен удар на веќе пропаднатиот индустриски сектор на ЕУ, напиша Дмитриев на платформата X.
Американскиот претседател Доналд Трамп изјави во петокот дека Вашингтон планира да ги зголеми царините за увоз на автомобили и камиони од Европската Унија на 25 проценти почнувајќи од следната недела.