Американскиот државен секретар Џон Кери го означи како голем чекор напред признавањето на Арапката лига дека е потребно Израелците и Палестинците да разменат територии во идниот мировен договор.
Катарскиот премиер и министер за надворешни работи Хамад бин Џасем ал Тани вчера говорејќи во име на Арапската лига изјави дека двете страни во израелско-палестинскиот конфликт може да разменуваат територии, без строго да се придржуваат кон границите од 1967 година.
Речиси десет години се смета де мировната спогодба може да предвидува и размена на територии, но Арапската лига досега творено не ја призна оваа можност.
– Ова е голем чекор напред. Ќе продолжиме да чекориме напред и ќе се обидеме да ги собереме страните околу преговарачката маса и покрај тешкотиите и разочарувањата од минатото, истакна Кери во Вашингтон.