Бразилската претседателка Дилма Русеф вети дека ќе разговара со своите критичари и дека во ваква ситуација нејзината влада мора да отвори дијалог со општеството, пренесе „Франс прес“.
Најавувајќи „политички реформи од широк обим“, таа апелира државата да се обедини, а партиите да посветат внимание на зголемениот гнев на улиците.
Според наводите на медиумите во недела речиси милион луѓе излегле на улиците со цел да побараат оставка од претседателката, поради лошата економска состојба во државата и бројните корупциски скандали за кои ја обвинуваат.
Протестите ширум Бразил се случуваат во момент кога државата се соочува со политичка и економска криза, како и со корупциски скандал во државната енергетска компанија Петробрас.
Инаку Русеф е поранешен борец на бразилската герила против воениот диктаторски режим, кој во државата владеел од 1964 до 1985 година.
Е.Г.