Деветгодишно девојче е убиено, а едно момче е повредено денес во руско гранатирање на село во Запорошката област во југоисточна Украина, изјави началникот на регионалната воена администрација, Иван Федоров.
„Деветгодишно девојче е убиено, шеснаесетгодишно момче е рането. Ова се последиците од непријателскиот напад врз село на фронтовската линија во областа Полохив“, рече тој на Телеграм, објави Укринформ.
Според Федоров, руските војници гаѓале станбени згради со ракети КАБ.