Десетици израелски воздушни напади беа пријавени во текот на ноќта во близина на Кан Јунис во јужниот дел на Појасот Газа, во градот Газа на север и во областа Деир ал-Балах во централниот појас, при што загинаа најмалку три лица, според извештаите на палестинските медиуми.
Немаше веднаш потврда или коментар за нападите од Израелските одбранбени сили (ИДФ), кои вчера започнаа проширена офанзива против палестинската милитантна група Хамас во Газа, објави „Тајмс оф Израел“.
Како што објави Ал Џезира, израелските сили започнаа околу 30 воздушни напади врз неколку делови од градот во јужниот дел на Појасот Газа, а бомбардирана беше и фармацевтската лабораторија на медицинскиот комплекс Насер во Кан Јунис, додека телата на Палестинците убиени во други напади беа донесени во болницата.